ភ្នំពេញ៖ នាយករដ្ឋមន្ត្រីកម្ពុជា សម្ដេចតេជោ ហ៊ុន សែន បានអញ្ជើញទៅលេងកីឡាវាយកូនហ្គោលមុនសម្ដេចអញ្ជើញទៅកាន់ខេត្តព្រះសីហនុនៅល្ងាចថ្ងៃទី២៩ ខែមេសា ឆ្នាំ២០២៣នេះ។
សម្ដេចតេជោបានសរសេរនៅលើ channel telegram របស់សម្ដេចនៅព្រឹកនេះថា៖ «សម្រាប់ថ្ងៃនេះព្រឹកវាយកូនគោលនៅខេត្តកណ្តាល ល្ងាចមុជទឹកសមុទ្រនៅខេត្តព្រះសីហនុ។ រីករាយចុងសប្តាហ៍ជាមួយ Sea Games លើកទី៣២ ដែលកម្ពុជាធ្វើជាម្ជាស់ផ្ទះ»។
គួរឲ្យដឹងផងដែរថា សម្ដេចតេជោនាយករដ្ឋមន្ត្រី នឹងអញ្ជើញទៅកាន់ខេត្តព្រះសីហនុ ចំនួន ៣ថ្ងៃ គឺចាប់ពីថ្ងៃទី២៩ ខែមេសា ដល់ថ្ងៃទី១ ខែឧសភា ដើម្បីពិនិត្យហេដ្ឋារចនាសម្ព័ន្ធក្នុងខេត្តនិងការដ្ឋានសាងសង់កំពង់ផែខេត្តព្រះសីហនុ៕
